Айни дақиқаларда Чемпионлар лигаси 2025/2026 йилги мавсуми плей-офф босқичи жавоб учрашуви бўлиб ўтмоқда. Унда Мадриднинг «Атлетико» (Испания) жамоаси ҳамда «Брюгге» (Бельгия) ўзаро тўқнаш келмоқда. Ҳозирча ҳисоб 1:1.
Мадридликларнинг голига Александр Сёрлот муаллифлик қилди. Унга голли узатмани дарвозабон Ян Облак амалга оширди. Шу тариқа, Облак жорий Чемпионлар лигаси мавсумида ўз ҳисобидаги ассистлар сонини оширди ва бу кўрсаткич айрим топ-клуб ҳужумчиларига қараганда юқори бўлиб турибди. Мазкур статистикани TNT Sports ижтимоий тармоғи X орқали келтирди.
Облак жорий ЕЧЛ мавсумида битта голли узатмага эга. Бу кўрсаткич «Бавария» ҳужумчиси Харри Кейн, «Манчестер Сити» аъзоси Эрлинг Холанд, «ПСЖ» футболчиси Дезире Дуэ, «Манчестер Сити» вакили Райан Шерки, «Арсенал» ўйинчиси Нони Мадуэке ҳамда «Челси» аъзоси Эстевао Виллианга қараганда кўпроқдир.













