"Реал" ва "Тоттенхэм" клублари ниҳоят Гарет Бэйл трансфери борасида бир тўхтамга келишга яқин туришибди, дея хабар бермоқда Marca.
Айни пайтга келиб томонлар трансфер суммасини қандай тўлаш хусусида қизғин музокаралар олиб боришмоқда. "Реал" ушбу ҳарид учун 97,8 миллион евро тўлашга тайёр, аммо пулни тўрт йил муддатда бўлиб бермоқчи. Аммо лондонликлар президенти Даниэл Леви бу шартга кўнмаяпти.
"Реал" ўз навбатида бундай катта миқдордаги пулни бирданига бермоқчи эмас. Улар шунингдек, суммани 117 миллион еврога ҳам кўтаришга тайёрлар, аммо бу ҳолда маблағни тўлиқ тўлаш 6 йилга чўзилишини айтмоқдалар.
Эслатиб ўтамиз, аввалроқ ушбу ҳаридга ҳимоячи Фабиу Коэнтраунинг трансфер ҳуқуқи ҳам қўшилиши ҳақида хабарлар тарқалганди.
Бироз тўхтаб, амалга ошмайдигандек туюлган трансфер юзасидан музокалар давом этмоқда.