Англия Премьер-лигасининг 27-тури доирасидаги «Эвертон»га (1:0) қарши ўйинни жароҳат сабабли ўтказиб юборган «Манчестер Юнайтед» ҳимоячиси Лисандро Мартинес 1 март куни бўлиб ўтадиган 28-тур доирасидаги «Кристал Пэлас» билан баҳсда иштирок эта олади. Бу ҳақда Daily Mail журналисти Крис Уилер хабар бермоқда.
Аргентиналик футболчи «ирислар» билан ўйин олдидан болдир мушагидан жароҳат олган эди, бироқ шикастланиш жиддий эмаслиги маълум бўлди.
Жорий мавсумда Лисандро «қизил иблислар» таркибида 15 та учрашувда майдонга тушди. Айни дамда жамоа Англия чемпионати юқори дивизиони турнир жадвалида бешинчи ўринда бормоқда.
