«Барселона» президентлигига номзод Виктор Фонт бўлажак сайловлардаги рақиби ҳамда «кўк-анорранглилар»нинг собиқ президенти Жоан Лапортани кескин танқид қилди. Аввалроқ Лапорта ўзига нисбатан пул ювиш айблови билан берилган ариза ортида Фонт турган бўлиши мумкинлигига шаъма қилган эди.
«Лапорта кун сайин Трампга ўхшаб бормоқда. У хаёлий душманлар излаяпти ва одамларни алдамоқда. Улар бизни жанжалга тортмоқчи, менинг обрўйимга путур етказмоқчи, ваҳоланки мен шунчаки «Барселона» мухлисиман», — дея Фонтнинг сўзларини келтирмоқда AS нашри El Món a RAC1’га таяниб.
«Барселона» президентлиги учун сайловлар жорий йилнинг 15 мартида бўлиб ўтади. Клубнинг янги президенти 1 июлдан ўз вазифасини бажаришга киришади.
