«Интер» бош мураббийи Кристиан Киву Чемпионлар лигаси плей-офф босқичининг жавоб учрашувида «Будё-Глимт»дан учралган мағлубият (1:2) ҳақида фикр билдирди. Икки ўйин натижасига кўра «нерадзуррилар» 2:5 ҳисобида имкониятни бой бериб, турнирни тарк этишди.

«Биз яхши шаклланган жамоага қарши бор кучимиз билан ҳаракат қилдик. Ҳисобни оча олмаганимиз сабабли, уларга руҳий жиҳатдан анча осон бўлди. Йигитларга эътирозим йўқ — улар борини бериб ўйнашди. Мусобақада йўлимизни давом эттирмоқчи эдик, шу боис жуда хафамиз. Энди фақат рақибни табриклаш қолди, холос. Натижа ҳам, турнирдан чиқиб кетганимиз ҳам дилни хира қилади. Эҳтимол, биринчи бўлиб гол урганимизда, уларни қийин аҳволга солиб қўйган бўлардик. «Будё» ҳимояда мустаҳкам туриб, ўйин тизгинини назорат қилди. Иккинчи бўлимда эса кучимиз етмади ва иккита гол ўтказиб юбордик», — дея Кивунинг сўзларини келтиради УEФА матбуот хизмати.

Норвегия клуби ўз тарихида илк бор 1/8 финал босқичига йўл олди. У ерда жамоа «Манчестер Сити» ёки Лиссабоннинг «Спортинг» клубларидан бири билан тўқнаш келиши мумкин.