Ҳужумчи Йенс Петтер Хёуге жорий мавсум Чемпионлар лигасида «Будё-Глимт» сафида олтита гол урди — бу Норвегия клуби сафида ўйнаётган норвегиялик футболчи учун ЕЧК/ЕЧЛ тарихида бир мавсумдаги энг яхши кўрсаткичдир.

Хёуге «Тоттенхэм» ва «Интер» дарвозасига иккитадан тўп киритган бўлса, Дортмунднинг «Боруссия»си ҳамда «Манчестер Сити» жамоалари билан баҳсда ўз ҳисобига биттадан гол ёздириб қўйди.

Чемпионлар лигасининг умумий босқичи якунларига кўра, Норвегия жамоаси тўққиз очко жамғариб, 23-ўринни эгаллади.

Ўз майдонида «Интер» устидан қозонилган 3:1 ҳисобидаги ғалаба ва жавоб ўйинидаги муваффақият (2:1) туфайли «Будё-Глимт» икки ўйин натижасига кўра (жами 5:2) ғолиб чиқди. Энди жамоа Чемпионлар лигасининг 1/8 финалида «Манчестер Сити» ёки Лиссабоннинг «Спортинг» клубига қарши баҳс олиб боради.