Бразилия футбол конфедерацияси раҳбари Самир Шауд миллий терма жамоа бош мураббийи Карло Анчелоттининг келажаги борасида фикр билдирди.
«Карло билан янги келишув имзоланиши ҳозирда бюрократик ва ҳуқуқий жиҳатдан мувофиқлаштириш босқичида турибди», — дея раҳбарнинг сўзларини ижтимоий тармоқлардаги саҳифасида инсайдер Николо Скира келтирмоқда.
Италиялик юлдузли мутахассиснинг янги шартномаси 2030 йилнинг ўрталарига қадар мўлжалланган бўлади.
Эслатиб ўтамиз, Анчелотти мадриднинг «Реал» клубидаги истеъфосидан сўнг, ўтган йилнинг май ойида Бразилия терма жамоасини бошқаришга киришган эди. Италиялик мураббий қўл остида «селесао» ЖЧ–2026 йўлланмасини қўлга киритди.
