"Ноттингем Форест"нинг бразилиялик ҳужумчиси Игор Жезус жорий мавсум якунлангач, клубни тарк этиши мумкин. Бу ҳақда Football Insider нашри хабар бермоқда.
Манбага кўра, "ўрмончилар" Европа Лигасидаги ёрқин ўйинларига қарамай, Англия премьер-лигасидаги сермаҳсуллиги билан ҳайратда қолдирмаётган 25 ёшли ҳужумчи бўйича таклифларни кўриб чиқишга тайёр. Клубдагиларнинг фикрича, Жезусга кўпроқ Европанинг бошқа чемпионатлари мос келади ва Премьер-лиганинг юқори суръати яхши жисмоний кўрсаткичларни талаб қилади.
2025 йилнинг ёзида "Ноттингем Форест" Жезусни Бразилиянинг "Ботафого" клубидан 19 миллион еврога сотиб олганди. "Ўрмончилар" сафида ҳужумчи 35 та ўйинда майдонга тушиб, 12 та гол урди ва иккита самарали узатма муаллифига айланди.
