Мадриднинг «Атлетико» клуби спорт директори Матеу Алемани ҳужумчи Хулиан Альвареснинг «Барселона»га эҳтимолий ўтиши ҳақидаги маълумотларга изоҳ берди.
Аргентиналик футболчи анчадан бери «кўк-анорранглилар»нинг трансфер мақсади ҳисобланади ва «матрасчилар» вакилларидан юлдуз ҳужумчининг рақобатчи жамоа сафига ўтиши мумкинлиги ҳақида тез-тез сўраб туришади.
«Атлетико»нинг кўплаб ўйинчилари бошқа клубларда қизиқиш уйғотмоқда, бироқ биз Альварес бўйича на «Барселона» вакиллари, на «Барселона» президентлигига номзодлар билан музокара олиб борганимиз йўқ. Хулиан — бизнинг футболчимиз. Айни дамда ҳеч қандай муҳокамалар кетаётгани йўқ», — дея Алеманининг сўзларини «Barca Universal» нашри келтирмоқда.
Хулиан Альвареснинг қиймати «Transfermarkt» портали томонидан 100 миллион еврога баҳоланмоқда.
