Madridning «Atletiko» klubi sport direktori Mateu Alemani hujumchi Xulian Alvaresning «Barselona»ga ehtimoliy o‘tishi haqidagi ma’lumotlarga izoh berdi.

Argentinalik futbolchi anchadan beri «ko‘k-anorranglilar»ning transfer maqsadi hisoblanadi va «matraschilar» vakillaridan yulduz hujumchining raqobatchi jamoa safiga o‘tishi mumkinligi haqida tez-tez so‘rab turishadi.

«Atletiko»ning ko‘plab o‘yinchilari boshqa klublarda qiziqish uyg‘otmoqda, biroq biz Alvares bo‘yicha na «Barselona» vakillari, na «Barselona» prezidentligiga nomzodlar bilan muzokara olib borganimiz yo‘q. Xulian — bizning futbolchimiz. Ayni damda hech qanday muhokamalar ketayotgani yo‘q», — deya Alemanining so‘zlarini «Barca Universal» nashri keltirmoqda.

Xulian Alvaresning qiymati «Transfermarkt» portali tomonidan 100 million yevroga baholanmoqda.