Ҳужумкор ярим ҳимоячи Флориан Вирц билан ҳамкорлик қилувчи агент Фолькер Штрут «Реал Мадрид» клуби билан қандай боғлангани ҳақида гапириб берди.
«Вирцнинг «Ливерпуль»га ўтиши муҳокама қилинаётган вақтда мен Хаби Алонсога қўнғироқ қилиб: «Сен бу йигитни ўзинг билан «Реал»га олиб кетишинг керак», деб айтдим. Хаби эса: «Буни менга эмас, Флорентино Пересга айтишинг лозим», деб жавоб қайтарди. Шундан сўнг мен Пересга хабар йўлладим: «Ҳурматли Флорентино, мен сизга кўп марта айтганман: менда сизга қаттиқ тавсия қиладиган ўйинчи бор. Флориан Вирц дунёдаги исталган жамоани кучайтира олади».
Ўша йили таркиб ва бюджет сабабли вазият мос келмаган эди. Аммо менинг истагим ўзгармаган — Вирц бир кун келиб албатта «Реал»да пайдо бўлишини хоҳлайман», — дея Штрутнинг сўзларини «Goal» портали «Bild» ва «Phrasenmaher» подкастига таяниб келтирмоқда.
2025/2026 йилги мавсумда Флориан Вирц 35 та ўйинда иштирок этиб, олтита гол урди ва саккизта голли узатмани амалга оширди.
