«Барселона» ҳимоя чизиғини кучайтириш учун турли вариантларни ўрганмоқда. «The Touchline» нашрининг хабар беришича, Каталония клуби «Борнмут» аъзоси Маркос Сенесининг имкониятларини юқори баҳоламоқда. «Кўк-анорранглилар» бош мураббийи Ханс-Дитер Фликнинг фикрича, Сенеси ўтган мавсумда жамоа шарафини ҳимоя қилган Иньиго Мартинесга ўхшаш услубга эга.
«Барселона» 28 ёшли Сенесини «Интер» ҳимоячиси Алессандро Бастони учун арзонроқ муқобил вариант сифатида кўриб чиқмоқда.
Маркос Сенесининг «Борнмут» билан амалдаги шартномаси 2025/2026 йилги мавсум якунига қадар мўлжалланган. Шу тариқа, келаётган ёзда аргентиналик футболчини эркин агент сифатида қўлга киритиш имконияти мавжуд бўлади.
