Ҳужумчи Килиан Мбаппе тиззасидаги муаммоси кучайгани сабабли «Реал»нинг яқин орадаги ўйинларини ўтказиб юборади. Француз футболчиси Мадрид жамоасининг Чемпионлар лигаси доирасида «Бенфика»га қарши бўладиган навбатдаги ўйини учун қайдномага киритилмади.
Таниқли журналист Хуанфе Санснинг хабар беришича, агар танланган консерватив даволаниш усули тиззанинг ҳолатини яхшиламаса, Мбаппе кичик жарроҳлик амалиётини ўтказиши мумкин.
Эслатиб ўтамиз, чоршанба куни «Реал» ўз майдонида «Бенфика»ни қабул қилади. Бу Чемпионлар лигаси ўтиш (плей-офф) босқичининг жавоб учрашуви бўлади. Биринчи ўйинда Альваро Арбелоа шогирдлари сафарда 1:0 ҳисобида ғалаба қозонишган эди.
