Тьерри Анри жамоавий ўйини учун "Будё-Глимт"ни мақтади.
Норвегия клуби Чемпионлар Лигаси 1/8 финалида "Интер"ни икки ўйинда мағлуб этиб (3:1, 2:1), 1/8 финалга йўл олди.
"Биз пул ҳақида, баланд номлар ҳақида гаплашяпмиз... Аммо ҳеч нарса жамоага тенглаша олмайди. Агар у сизда бўлмаса, пулингизга тупураман. Улар майдонда қаерда бўлишларидан қатъий назар биргаликда ҳужум қиладилар ва ҳимояланадилар. Ҳаммамиз ёдда тутишимиз керакки, бу жамоавий ўйин, футболнинг моҳияти шунда. Бу ҳамма учун, болалар учун дарс: жамоа дегани шу.
Бу бир-бири учун курашмоқчи бўлган жамоа, биз буни Европанинг ҳамма жойида кўрганмиз. Улар "Боруссия"га қарши, "Атлетико" ва "Интер"га қарши кечада шундай ўйнашди... Улар жамоа қандай бўлиши кераклигини кўрсатиб беришди.
Бу шу маънода янги кўринадики, таркибингизда ким бўлишидан қатъи назар, футбол айнан шундай бўлиши керак. Ахир, юрагингиздаги нарса муҳим. Улар ўша ерда бўлишга лойиқ", - деди Анри.
