Дортмунднинг "Боруссия" клуби бош мураббийи Нико Ковач Европа Чемпионлар Лигаси плей-офф босқичининг иккинчи плей-офф ўйини доирасида "Аталанта"га қарши кечадиган баҳс ҳақида фикр билдирди. Биринчи ўйин немис жамоасининг 2:0 ҳисобидаги ғалабаси билан якунланди.
"Бизда яхши имкониятлар бор. Дортмундда бўлгани каби ўз футболимизни ўйнашимиз керак. Биз бор кучимизни сарфлашимиз ва биринчи учрашувдаги барча ижобий жиҳатларни такрорлашга ҳаракат қилишимиз керак. Биз шунчаки натижани ушлаб қолмоқчи эмасмиз, 0:0 ҳисобида ўйнаш бизнинг вариант эмас. Агар тезкор гол ура олсак, бу бизга катта ишонч бағишлайди", - дея мураббийнинг сўзларини келтиради УEФА расмий сайти.
