«Барселона» сардори Рафинья клубнинг расмий YouTube каналидаги суҳбат чоғида жамоанинг Ханси Флик қўл остидаги муваффақиятлари сирини очиқлади.
Бразилиялик вингернинг таъкидлашича, жамоадаги ички муҳит жуда аъло даражада ва футболчилар ўз оила аъзоларидан кўра бир-бирлари билан кўпроқ вақт ўтказишади.
«Кийиниш хонаси ажойиб. Биз худди бир оиладекмиз. Машғулотлар ва сафарлар туфайли яқинларимиздан кўра кўпроқ бирга бўламиз. Бу самимий дўстлик муваффақиятларимизнинг асосий омилидир», — деди Рафинья.
Шунингдек, у иккинчи мавсумдирки «Барса» сардорларидан бири бўлиш унинг учун улкан шараф ва ушалмас орзу бўлганини қўшимча қилди.
