Алессандро Дель Пьеро Италия футболидаги вазиятдан хафа бўлди.
"Йиғласам майлими? Вазият оғир. Ҳаммаси кўринганидек ёмон эмас, лекин 90% ёки 95% - ҳа. Бу сўнгги йилларда Италияда содир бўлаётган воқеаларнинг натижасидир. Инвестициялар даражаси паст, бошқа бозорлар бизникидан анча катта бўлиб кетган.
Муаммолар? Стадионлар. Буни тўғрилаш учун майдондан ташқарида яхшироқ ишлаш кераклигини биламиз.
Ёш футболчиларни тайёрлаш тизими? 2008 йилда туғилган икки италиялик йигит "Боруссия" сафида "Аталанта"га қарши қандай ўйнашини кўрамиз. Нима, кечирасиз? Нима бўляпти ўзи? Нега бу италияликлар бизда эмас, "Боруссия"да ўйнашяпти?", - деди "Ювентус" собиқ форварди.
