Миланнинг "Интер" клуби ҳужумчи Маркус Тюрам бўйича тушадиган таклифларни кўриб чиқишга тайёр. "Нерадзурри" раҳбариятининг француз футболчисининг келажаги борасидаги режалари ўзгарди: журналист Николо Скиранинг хабар беришича, ўйинчи энди "дахлсиз" деб ҳисобланмайди.
Келаётган ёзда ҳужумчи сотиб юборилиши истисно этилмаяпти. Машҳур Transfermarkt портали мутахассислари Маркус Тюрамнинг қийматини 60 млн еврога баҳоламоқда. 28 ёшли футболчининг "Интер" билан шартномаси 2028 йилгача амал қилади.
Аввалроқ, ҳужумчининг Англия Премьер-лигаси клубларидан бирига ўтиши мумкинлиги ҳақида миш-мишлар тарқалган эди. Жорий мавсумда Тюрам 32 та ўйинда иштирок этиб, ўз ҳисобига 12 та гол ва бешта голли узатмани ёздириб қўйди.
