Milanning "Inter" klubi hujumchi Markus Tyuram bo‘yicha tushadigan takliflarni ko‘rib chiqishga tayyor. "Neradzurri" rahbariyatining fransuz futbolchisining kelajagi borasidagi rejalari o‘zgardi: jurnalist Nikolo Skiraning xabar berishicha, o‘yinchi endi "daxlsiz" deb hisoblanmaydi.
Kelayotgan yozda hujumchi sotib yuborilishi istisno etilmayapti. Mashhur Transfermarkt portali mutaxassislari Markus Tyuramning qiymatini 60 mln yevroga baholamoqda. 28 yoshli futbolchining "Inter" bilan shartnomasi 2028 yilgacha amal qiladi.
Avvalroq, hujumchining Angliya Premyer-ligasi klublaridan biriga o‘tishi mumkinligi haqida mish-mishlar tarqalgan edi. Joriy mavsumda Tyuram 32 ta o‘yinda ishtirok etib, o‘z hisobiga 12 ta gol va beshta golli uzatmani yozdirib qo‘ydi.
