«Вест Хэм» жамоасининг собиқ бош мураббийи Сэм Эллардайс «Манчестер Юнайтед»нинг «Челси» ярим ҳимоячиси Коул Палмерга бўлган қизиқиши ҳақидаги миш-мишларга муносабат билдирди.
«Менимча, «Челси» ҳар қандай ҳолатда ҳам Палмерни муносиб нарх эвазига сотиб юборади. Масала шундаки, «Манчестер Юнайтед»да «Челси» талаб қиладиган маблағ борми? Палмер яна саккиз йил давомида юқори даражада тўп суриши мумкин. Унинг истеъдоди «Челси»га ўтган илк кунидаёқ намоён бўлган эди. Ҳозир жароҳат туфайли унинг ўйинида бироз пасайиш кузатиляпти, аммо у тез орада аввалги спорт формасига қайтади», — деди Эллардайс «No Tippy Tappy Football» нашрига берган интервьюсида.
Жорий мавсумда Коул Палмер «Челси» сафида барча турнирларда 19 та ўйинда майдонга тушиб, тўққизта гол урди ва учта голли узатмани амалга оширди.
