Мадриднинг «Реал» клуби марказий ҳимоячиси Рауль Асенсио Чемпионлар лигаси доирасида Лиссабоннинг «Бенфика» жамоасига қарши ўтказилган жавоб учрашувини охиригача етказа олмаган эди. «El Chiringuito» журналистларининг хабар беришича, футболчи тиббий кўрикдан ўтди.

Манбага кўра, 23 ёшли испаниялик ўйинчининг ҳолати хавотирга ўрин қолдирмайди. Тиббий муолажалардан сўнг Асенсио шифохонадан чиққан.

Эслатиб ўтамиз, «Реал» ва «Бенфика» ўртасидаги жавоб баҳси «қироллик» клубининг 2:1 ҳисобидаги ғалабаси билан якунланди. Альваро Арбелоа шогирдлари икки ўйин натижасига кўра ғалаба қозониб, Чемпионлар лигасининг кейинги босқичига йўл олишди.