Мадриднинг «Атлетико» клуби ҳужумчиси Антуан Гризманн тез орада жамоани тарк этиши мумкин.

«El Larguero» нашрининг хабар беришича, 34 ёшли футболчи «Орландо Сити» клуби билан келишувга жуда яқин турибди. Агар кутилмаган ҳолатлар юз бермаса, яқин орада шартнома имзоланади. Кутилишича, франциялик футболчи 7 март куни «Реал Сосьедад»га қарши бўлиб ўтадиган учрашувда «Метрополитано» стадиони мухлислари билан хайрлашади. МЛС клублари учун трансфер ойнаси 26 мартгача очиқ бўлади.

Антуан Гризманн «матрасчилар» сафида барча турнирларда жами 481 та ўйин ўтказиб, 210 та гол ва 95 та голли узатмани амалга оширган. Жорий мавсумда эса ҳужумчи 36 та учрашувда майдонга тушиб, 12 та гол урди ва жамоадошларига икки бор голли пас берди.