«Барселона» ярим ҳимоячиси Дани Ольмо жамоадоши Педрининг ўрнини босиш қандай эканлиги ҳақида гапириб берди.
Одатда ҳужумга яқинроқ ҳаракат қиладиган 27 ёшли испаниялик футболчи, Педри жароҳат олган вақтда унинг позициясида майдонга тушди.
«Бу ролнинг энг ёқимли томони — тўп билан тез-тез мулоқотда бўламан, чунки «ўнинчи рақам» позициясида ўйнаганингда баъзан ўйиндан узилиб қолишинг мумкин. Шунингдек, бу позициянинг яна бир устунлиги шундаки, чуқур ҳимояланадиган рақибларга сени ёпиб қўйиш анча қийин кечади. Энг ёмони эса — ўтиш паллалари: рақиб сени кутилмаганда чалғитиб қолса, қарши ҳужумни тўхтатиш учун ортга югуришга тўғри келади», — деди Ольмо ўз интервьюсида.
Шанба куни Ханс-Дитер Флик шогирдлари ўз майдонларида «Вильярреал» жамоасини қабул қилишади.
