Винисиус 2018 йилда "Реал"га ўтганидан бери Чемпионлар лигасининг 78 та ўйинида 32 та гол урди ва 30 та голли узатмани амалга оширди.

Кеча вингер "Бенфика"га қарши жавоб учрашувида (2:1) ғалаба голини киритди. Биринчи ўйинда ҳам (1:0) бразилиялик футболчи гол уришга муваффақ бўлган эди.

Винисиус "Реал" билан бирга Чемпионлар лигасининг иккита финалида ўйнаган — 2021/22 йилги мавсумда "Ливерпуль"га қарши (1:0) ва 2023/24 йилги мавсумда "Боруссия Дортмунд"га қарши (2:0). У ҳар иккала финал учрашувида ҳам гол урган.

Унинг ҳисобида плей-офф босқичидаги 20 та ўйинда жами 14 та гол ва 12 та ассист мавжуд. Винисиус бразилияликлар орасида плей-офф ўйинларида гол уриш бўйича рекордчи ҳисобланади.