Нуфузли "The Ring" нашри бокс оламида ким энг машҳур эканлигини аниқлаш мақсадида боксчиларнинг "Instagram"даги обуначилари сони бўйича рўйхатини эълон қилди.
Энг кўп мухлисларга афсонавий Майк Тайсон эга бўлиб, унга 34 миллионга яқин фойдаланувчи обуна бўлган. Иккинчи ўринни 29,2 миллион обуначи билан Флойд Мейвезер эгаллаб турибди. Кучли учликни 19,1 миллион обуначига эга Сауль Альварес якунлаб берган.
Украиналик оғир вазн тоифасидаги жаҳон чемпиони Александр Усик эса ТОП-10 рўйхатига якун ясаган. Ушбу спортчи 3,6 миллион фойдаланувчи ўртасида машҳурликка эришган.
