Туркия президенти Режеп Тайип Эрдўған «Галатасарой» жамоасини Чемпионлар лигаси 1/8 финалига чиққани билан табриклади. Истанбул клуби икки ўйин натижасига кўра «Ювентус»дан устун келди (5:2, 2:3).

Туркия ёшлар ва спорт вазири Осман Ашкин Бак кечаги ўйиндан сўнг кийиниш хонасида жамоа билан учрашди ҳамда футболчилар ва мураббийлар штабини табриклади.

Шунингдек, Эрдўған жамоа бош мураббийи Окан Бурук билан телефон орқали мулоқот қилди.

«Галатасарой» кейинги босқичга чиқди. Бу мамлакатимиз учун чиндан ҳам катта ютуқ», — деди Туркия президенти.

«Биз ҳам жуда хурсандмиз. Президент жаноблари, бу сиз учун туғилган кун совғаси бўлсин», — дея жавоб қайтарди Бурук.

Бугун Эрдўған 72 ёшни қарши олди.