«Челси» собиқ футболчиси Хуан Мата кимни энг яхши ҳимоячи деб ҳисоблаши ҳақидаги саволга жавоб берди.
«Мен учун, албатта, Жон Терри яхшироқ. Ван Дейк — фантастик ўйинчи. Унинг «Ливерпуль» учун қилган ишларини, шахсияти, характери ва етакчилик қобилиятларини ҳурмат қиламан. Бироқ мен учун Терри — футбол тарихидаги энг яхши ҳимоячилардан бири», — деди Мата «TEAMtalk» нашрига берган интервьюсида.
Жон Терри 1998 йилдан 2017 йилгача «Челси» шарафини ҳимоя қилган. У Лондон клуби билан 17 та совринни қўлга киритган, улар орасида бешта Англия чемпионлиги ва Чемпионлар лигаси ғолиблиги бор.
