«Сантос» ҳужумчиси Неймар Бразилия Серия А доирасида «Васко да Гама»га қарши кечган баҳсда (2:1) дубль қайд этди. Юлдуз футболчи учрашувнинг 25 ва 61-дақиқаларида рақиб дарвозасини ишғол қилди. Ўйиндан сўнг у журналистларнинг Бразилия терма жамоасига қайтиш ҳақидаги саволларига жавоб берди.
«Ўтган ҳафтада улар мени дунёдаги энг ёмон футболчи деб айтишаётганди. Менимча, ўшанда бугунгидан кўра яхшироқ ўйнагандим, лекин бу сафар иккита гол урдим ва бу ҳамма нарсани ҳал қилди. Футбол шунақа: бугун сен дунёда энг ёмонисан, жамоада сенга жой йўқ, сен аллақачон «пенсия»дасан, эртага эса иккита гол урасан ва энг зўрига айланасан. Сени жаҳон чемпионатига олиб бориш керак бўлади, сен — «ўнлик»сан.
Мен бугунги кун билан яшайман, ўзимни машғулотларга бағишлайман ва оптимал формамни сақлашга ҳаракат қиламан. Ҳозир ўзимни яхши ҳис қиляпман», — дея Неймарнинг сўзларини келтирмоқда The Touchline.
Яқинда Карло Анчелотти «Сантос» форвардини Бразилия терма жамоасининг март ойидаги ўйинларига таклиф қилмаслиги ҳақида хабарлар тарқалган эди.
