«Фенербахче» бош мураббийи Доменико Тедеско Европа Лигаси плей-офф босқичи жавоб ўйинида «Ноттингем» устидан қозонилган ғалаба (2:1) ҳақида ўз фикрларини билдирди.
"Фенербахче" яхши ўйин кўрсатди. Биз бу қарама-каршиликдаги имкониятни ўз уйимиздаги баҳсда бой бериб бўлган эдик, аммо бугун жуда мазмунли ўйин намойиш этдик. Нафақат охиригача курашдик, балки кўплаб вазиятлар ҳам яратдик. Кўпчилик йигитлар майдонда шунчаки фантастик кўринишди", — дея Тедесконинг сўзларидан иқтибос келтирмоқда УEФА матбуот хизмати.
Дастлабки учрашувда 3:0 ҳисобида ғалаба қозонган «Ноттингем Форест» Европа Лигасининг 1/8 финалига йўл олди. У ерда жамоа «Бетис» ёки «Мидтьюлланд»га қарши баҳс олиб боради. Қуръа ташлаш маросими жума куни, 27 февралда бўлиб ўтади.
