«Ливерпуль» ва «Манчестер Юнайтед» клублари «Аякс»нинг 18 ёшли ярим ҳимоячиси Шон Стёрга қизиқиш билдирмоқда. Бу ҳақда TEAMtalk нашри хабар бермоқда.
Қайд этилишича, ҳар икки клуб ёш иқтидор эгасининг ўйинларини диққат билан кузатиб боришган. Шунингдек, футболчига «Арсенал» томонидан ҳам қизиқиш борлиги айтилмоқда.
Жорий мавсумда Шон Стёр жами 30 та ўйинда майдонга тушди. Ушбу баҳсларда ярим ҳимоячи иккита гол урди ва тўртта голли узатмани амалга оширди. Transfermarkt портали футболчининг нархини 700 минг еврога баҳоламоқда.













