"Ноттингем Форест" ярим ҳимоячиси Эллиот Андерсон клуб жорий мавсумда Европа Лигасида охиригача бориш учун етарли сифат ва ишончга эга эканлигини маълум қилди.
2024 йилнинг ёзида жамоага келиб қўшилганидан бери Нуну Эшпириту Санту ярим ҳимоясининг асосий фигурасига айланган "Ньюкасл Юнайтед" академиясининг собиқ тарбияланувчиси яқинда берган интервьюсида ўз фикрлари билан ўртоқлашди.
"Бу албатта менинг хаёлимда ва умид қиламанки, бошқа ўйинчиларнинг ҳам фикри шундай", — деди у TNT Sports телеканалига. "Бизда албатта яхши имконият бор. Айниқса, агар охирги икки ўйиндагидек ҳаракат қилсак".
"Форест" ҳозиргача Европада мустаҳкам ҳимоя ва хавфли қарши ҳужумларни уйғунлаштирган ҳолда барчада таассурот қолдирмоқда. Андерсоннинг кучайиб бораётган таъсири — унинг энергияси, узатмалар диапазони ва ўйинни боғлаш қобилияти — жамоага барча мусобақаларда темпни сақлаб қолишга ёрдам берди.
23 ёшли ярим ҳимоячи ушбу мавсумда мунтазам майдонга тушмоқда ва Премьер-лиганинг 27 та ўйинида 1 та гол ҳамда 2 та голли узатмага муаллифлик қилди.
