Мадриднинг "Атлетико" клуби собиқ футболчиси Диего Коста жамоа бош мураббийи Диего Симеоненинг шахсий хислатлари ҳақида фикр билдирди.
Ҳужумчи 2007 йилдан 2014 йилгача "матрасчилар"га тегишли бўлган, шундан сўнг "Челси"га сотилган эди. 2018 йилда асли бразилиялик бўлган испаниялик футболчи жамоага қайтди ва у ерда яна уч йил фаолият юритди.
"Симеоненинг энг яхши хислати — мотивация бера олиш қобилияти, у одамларга ўзларига ишонишда ёрдам беради. Энг ёмон хислатими? Масофа сақлаши (бегоналик). У футболчилар билан, айниқса, ўзи учун муҳим деб ҳисобламаганлар билан совуқ муносабатда бўларди. Менимча, ҳозир Чоло ўзгарган, ҳиссиётларга кўпроқ бериладиган ва жамоага яқинроқ бўлган", — дея Костанинг сўзларидан иқтибос келтиради Atletico Universe.
Диего Симеоне 2011 йилнинг охиридан бери "Атлетико" бошқарувида фаолият юритмоқда.
