Мадриднинг "Атлетико" клуби собиқ футболчиси Диего Коста юлдуз даражасига чиққунга қадар жамоани қандай тарзда тарк этмоқчи бўлгани ҳақида гапириб берди.
"2012 йилда Чоло [Диего Симеоне] менга асосий таркибда жой йўқлигини айтди. Мен эса мунтазам ўйнашни хоҳлашимни ва шу сабабли кетишим кераклигини билдирдим. Ўшанда биз УEФА Суперкубогида ["Челси"га қарши, 4:1 ҳисобидаги ғалаба] ўйнаётган эдик. Охирги захира имконияти қолганди, мен чигал ёзди машқларини бажариб, майдонга тушишга тайёрланаётгандим, бироқ Симеоне Фалькао ўрнига Эмрени туширди. Ўшанда мураббийни ўлдириб қўйгим келганди. Агентим Жорже Мендешга қўнғироқ қилиб, менга тезда янги клуб топишини, акс ҳолда Симеонени ўлдириб қўйишимни айтдим.
Мен жароҳатдан тузалиб қайтгандим, машғулотларда қатнашардим, лекин у барибир мени ўйнатмасди. Бу трансфер ойнасининг охирги куни эди. Агар ойна яна бироз очиқ турганида, мен "Атлетико"дан кетган бўлардим", — дея ҳикоя қилиб берди 37 ёшли ҳужумчи Марио Суаресга берган интервьюсида.
Эслатиб ўтамиз, 2014 йилда Коста "Челси"га кўчиб ўтган ва тўрт йилдан сўнг яна ортга қайтган эди.
