Матбуотда ҳужумчи Антуан Гризманн келаси ҳафтада "Атлетико" билан хайрлашиб, "Орландо Сити"га ўтиши мумкинлиги ҳақида маълумотлар пайдо бўлди. МЛСда трансфер ойнаси ҳали очиқ, шу сабабли бундай трансфернинг эҳтимоли бор.
Жума кунги матбуот анжуманида "Атлетико" бош мураббийи Диего Симеоне бу масалани муҳокама қилишдан бош тортди.
"Гризманн кетяптими? Мен бу ҳақда гапиришни давом эттиришни истамайман. Биз бор эътиборимизни эртанги ўйинга қаратганмиз", — деди Симеоне.
Қишнинг сўнгги оқшомида "Атлетико" Испания чемпионати доирасида сафарда "Реал Овьедо"га қарши баҳс олиб боради. Ҳозирда "матрасчилар" Ла Лига турнир жадвалида тўртинчи ўринни эгаллаб туришибди.
