"ПСЖ" бош мураббийи Луис Энрике 24-тур доирасидаги "Гавр"га қарши ўйин олдидан Франция Лига 1 даги чемпионлик кураши ҳақида ўз фикрларини билдириб ўтди. Учрашув 28 февраль куни бўлиб ўтади.
"Шундай жамоа борки — бу "Ланс", улар ҳозир қолганлардан бир бош баланд ҳаракат қилишмоқда. Улар ақл бовар қилмас мавсумни ўтказишяпти. Лекин биз ҳам ўз даражамизда ўйнаяпмиз, гарчи ўтган йилги графикдан 3 ёки 5 очко орқада қолаётган бўлсак-да. Менимча, биз тахминан бўлишимиз керак бўлган жойдамиз. Доимий равишда бир хил юқори даражани ушлаб туришнинг иложи йўқ", — дея Энрикенинг сўзларини келтиради RMC Sport.
Франция чемпионатининг 23 туридан сўнг "ПСЖ" 54 очко жамғариб, турнир жадвалида пешқадамлик қилмоқда ва "Ланс"ни икки очкога ортда қолдиряпти.
