"PSJ" bosh murabbiyi Luis Enrike 24-tur doirasidagi "Gavr"ga qarshi o‘yin oldidan Fransiya Liga 1 dagi chempionlik kurashi haqida o‘z fikrlarini bildirib o‘tdi. Uchrashuv 28 fevral kuni bo‘lib o‘tadi.
"Shunday jamoa borki — bu "Lans", ular hozir qolganlardan bir bosh baland harakat qilishmoqda. Ular aql bovar qilmas mavsumni o‘tkazishyapti. Lekin biz ham o‘z darajamizda o‘ynayapmiz, garchi o‘tgan yilgi grafikdan 3 yoki 5 ochko orqada qolayotgan bo‘lsak-da. Menimcha, biz taxminan bo‘lishimiz kerak bo‘lgan joydamiz. Doimiy ravishda bir xil yuqori darajani ushlab turishning iloji yo‘q", — deya Enrikening so‘zlarini keltiradi RMC Sport.
Fransiya chempionatining 23 turidan so‘ng "PSJ" 54 ochko jamg‘arib, turnir jadvalida peshqadamlik qilmoqda va "Lans"ni ikki ochkoga ortda qoldiryapti.
