"Бенфика" клуби "Реал"га қарши кечган баҳсда ноўрин хатти-ҳаракатлар содир этган бир неча мухлисини жазолади.
Лиссабонликларнинг маълум қилишича, "ирқчилик характеридаги, клуб қадриятлари ва тамойилларига зид бўлган хулқ-атвори" учун беш нафар ишқибозга нисбатан чора кўрилган.
"Бургутлар" ушбу шахсларнинг абонементларини бекор қилишди ва уларга жамоа ўйинларига ташриф буюришни тақиқлаб қўйишди.
"Бенфика" ҳар қандай кўринишдаги камситиш ёки ирқчиликка тоқат қилмаслигини тасдиқлайди ва клуб, спорт ҳамда жамият қадриятларига путур етказадиган хатти-ҳаракатлар содир бўлганда қатъий чоралар кўришни давом эттиради", — дейилади хабарда.
