«Вулверхэмптон» Англия чемпионатининг 28-турида «Астон Вилла» устидан 2:0 ҳисобида ғалаба қозонди. Учрашув Вулверхэмптон шаҳридаги «Молинью» стадионида бўлиб ўтди.

Биринчи бўлимда дарвозаларга гол урилмади. Иккинчи бўлим бошида Жоао Гомеш ҳисобни очди. Ўйинга қўшиб берилган вақтда майдонга тушган ҳимоячи Родригу Гомеш эса орадан 5 дақиқа ўтиб, «бўрилар»нинг устунлигини мустаҳкамлади.

Шу тариқа, «Вулверхэмптон» 3 январдан бери АПЛдаги илк ғалабасини қўлга киритди, бироқ жамоа 13 очко билан ҳамон турнир жадвалининг энг қуйи поғонасида бормоқда. «Астон Вилла» эса 51 очко билан 3-ўринни эгаллаб турибди.

АПЛ. 28-тур

"Вулверхэмптон" — "Астон Вилла" — 2:0

Голлар: Гомес (61), Р. Гомеш (90+8).

"Вулверхэмптон": Жозе Са, С. Буэно, Т. Гомеш, Москера, Андре (А. Гомеш, 89), Гомес, У. Буэно, Чачуа, Беллегард (Арокодаре, 81), Мане, Армстронг (Р. Гомеш, 90+3).

"Астон Вилла": Мартинес, Конса, Пау Торрес, Динь (Матсен, 70), Кэш, Дуглас Луис (Баркли, 60), Онана, Роджерс, Буэндия (Абрахам, 70), Санчо (Бэйли, 60), Уоткинс (Алиссон, 86).

Огоҳлантиришлар: Москера (45), Армстронг (51), Беллегард (58) — Буэндия (54), Бэйли (75), Кэш (90).