Профессионал бокс олами ўта қизиқарли тўқнашувга тайёргарлик кўрмоқда. Оғир вазн тоифасида WBC, WBA ва IBF камарлари соҳиби Александр Усик (24-0, 15 КО) ўзининг навбатдаги жанги санасини расман эълон қилди.
23 май куни Мисрнинг Гиза шаҳрида украиналик боксчи дунё кикбоксинги афсонаси — нидерландиялик Рико Верховенга қарши рингга кўтарилади. Жангда украиналик спортчига тегишли бўлган WBC йўналиши бўйича жаҳон чемпионлиги унвони тикилади. Жанг вақтида 39 ёшда бўладиган Александр учун бу Даниэль Дюбуани бешинчи раундда техник нокаут билан мағлуб этганидан кейинги илк тўқнашув бўлади.
Рақиб танлови мухлислар учун ҳақиқий кутилмаган совға бўлди. Рико Верховен — кикбоксингнинг оғир вазнидаги ҳақиқий афсонадир. Голландиялик спортчи ўн йилдан ортиқ вақт давомида "Glory" промоушенида ҳукмронлик қилиб келган.
