Миланнинг "Интер" клуби ярим ҳимоячиси Хакан Чалханоглу ёзги трансфер ойнасида жамоани тарк этишга тайёр. Туркиялик футболчи ўтган ёздаёқ кетиши мумкин эди, бироқ ўшанда "Галатасарой" у учун "жуда кам" маблағ таклиф қилган.
Журналист Паскуале Гуарронинг хабар беришича, хавбек жорий мавсум якунланганидан кейин жамоадан кетиш ниятида. Ҳозирча "нерадзурри" раҳбарияти 32 ёшли футболчини қўйиб юборишга тайёрми ёки йўқ номаълум.
Transfermarkt портали Чалханоглунинг қийматини 22 миллион еврога баҳолаган. Ярим ҳимоячининг Милан гранди билан амалдаги шартномаси 2027 йилнинг ўрталарига қадар мўлжалланган. Жорий мавсумда Хакан 23 та ўйинда майдонга тушиб, 8 та гол урди ва 4 та голли узатмани амалга оширди.
