Milanning "Inter" klubi yarim himoyachisi Xakan Chalxanoglu yozgi transfer oynasida jamoani tark etishga tayyor. Turkiyalik futbolchi o‘tgan yozdayoq ketishi mumkin edi, biroq o‘shanda "Galatasaroy" u uchun "juda kam" mablag‘ taklif qilgan.

Jurnalist Paskuale Guarroning xabar berishicha, xavbek joriy mavsum yakunlanganidan keyin jamoadan ketish niyatida. Hozircha "neradzurri" rahbariyati 32 yoshli futbolchini qo‘yib yuborishga tayyormi yoki yo‘q noma’lum.

Transfermarkt portali Chalxanogluning qiymatini 22 million yevroga baholagan. Yarim himoyachining Milan grandi bilan amaldagi shartnomasi 2027 yilning o‘rtalariga qadar mo‘ljallangan. Joriy mavsumda Xakan 23 ta o‘yinda maydonga tushib, 8 ta gol urdi va 4 ta golli uzatmani amalga oshirdi.