Лондоннинг «Арсенал» клуби бош мураббийи Микель Артета ҳужумчи Виктор Дьёкерешнинг ўйини борасида ўз фикрлари билан ўртоқлашди.
Швециялик футболчи жорий мавсум давомида гол уриш борасидаги кўрсаткичлари юқори бўлмагани сабабли тез-тез танқидларга учраб турган эди. Бироқ яқинда бўлиб ўтган «Тоттенхэм»га қарши дербида ҳужумчи дубль қайд этишга муваффақ бўлди.
«Виктор ўзига бўлган ишончни оширдими? Ишонч — ҳар қандай инсон учун фундаментал устундир. Қачонки сизни қадрлашаётганини, қўллаб-қувватлашаётганини ва сизга ишонишаётганини ҳис қилсангиз, кутилган даражага чиқиш анча осонлашади. Менимча, ҳозир Дьёкереш учун айнан шундай лаҳзалар келди — у бу қўллаб-қувватлашни ҳис қилмоқда. Албатта, бу унинг ўйинига ижобий таъсир кўрсатмоқда», — деди Артета матбуот анжуманида.
Маълумот учун, Виктор Дьёкереш жорий мавсумда барча турнирларда 36 та ўйинда майдонга тушиб, 15 та гол уришга муваффақ бўлди.
