Londonning «Arsenal» klubi bosh murabbiyi Mikel Arteta hujumchi Viktor Dyokereshning o‘yini borasida o‘z fikrlari bilan o‘rtoqlashdi.

Shvesiyalik futbolchi joriy mavsum davomida gol urish borasidagi ko‘rsatkichlari yuqori bo‘lmagani sababli tez-tez tanqidlarga uchrab turgan edi. Biroq yaqinda bo‘lib o‘tgan «Tottenxem»ga qarshi derbida hujumchi dubl qayd etishga muvaffaq bo‘ldi.

«Viktor o‘ziga bo‘lgan ishonchni oshirdimi? Ishonch — har qanday inson uchun fundamental ustundir. Qachonki sizni qadrlashayotganini, qo‘llab-quvvatlashayotganini va sizga ishonishayotganini his qilsangiz, kutilgan darajaga chiqish ancha osonlashadi. Menimcha, hozir Dyokeresh uchun aynan shunday lahzalar keldi — u bu qo‘llab-quvvatlashni his qilmoqda. Albatta, bu uning o‘yiniga ijobiy ta’sir ko‘rsatmoqda», — dedi Arteta matbuot anjumanida.

Ma’lumot uchun, Viktor Dyokeresh joriy mavsumda barcha turnirlarda 36 ta o‘yinda maydonga tushib, 15 ta gol urishga muvaffaq bo‘ldi.