Ҳужумчи Маркус Рэшфорд «Барселона»га доимий асосда ўтиш учун маошининг сезиларли қисмидан воз кечишга рози бўлди. Бу ҳақда «The Touchline» нашри ўз манбаларига таяниб хабар бермоқда.

Таъкидланишича, «Барселона» Рэшфорднинг шартномасидаги 30 миллион евролик сотиб олиш бандини фаоллаштириш ниятида. Футболчининг ўзи эса шаҳар, жамоа ва мураббийлар штабига кўнгил қўйган, шу сабабли у фақат «Барселона»да ўйнашни хоҳламоқда.

Каталонияликлар Рэшфордни ўтган ёзги трансфер ойнасида «Манчестер Юнайтед»дан ижарага олган эди. «Кўк-анорранглилар» таркибида у барча турнирларда 34 та ўйинда майдонга тушиб, 10 та гол урди ва 13 та голли узатмани амалга оширди.