"Барселона" ишқибозлари учун хушхабар — март ойидан бошлаб қайта таъмирланаётган "Камп Ноу" стадионининг сиғими 65 000 кишигача кенгаяди.
Бу "Шимолий трибуна" деб аталувчи қисмнинг очилиши туфайли амалга ошди. Айни дамда янгиланаётган арена ўз бағрига фақат 45 000 томошабинни қабул қила олади холос. Кутилишича, 15 март куни "Барселона" "Севилья"га қарши майдонга тушганда, стадиондаги ўйинни ҳозиргига қараганда 30 фоиз кўпроқ мухлис бевосита кузатиб бориш имконига эга бўлади.
Эслатиб ўтамиз, Испания чемпионатининг ўтган турида каталонияликлар турнир жадвалида биринчи ўринни қайтариб олишди. Бунга Мадриднинг "Реал" клуби "Осасуна"дан мағлубиятга учрагани сабаб бўлди.
