Каталониянинг «Барселона» клуби президенти Жоан Лапорта жорий мавсумдаги чемпионлик кураши ҳақида ўз фикрларини билдириб ўтди.
«Биз сўнгги учта финалда «Реал» устидан ғалаба қозондик. Бу мавсумда «Барселона» барча прогнозларга қарамай, Испания чемпиони бўлади», — дея клуб раҳбарининг сўзларини келтирмоқда «Sport.es» нашри.
Эслатиб ўтамиз, «кўк-анорранглилар» Ла Лиганинг амалдаги ғолиби ҳисобланишади.
Айни дамда Ханс-Дитер Флик шогирдлари турнир жадвалида 61 очко билан биринчи ўринни эгаллаб туришибди ва Мадриднинг «Реал» клубини бир очкога ортда қолдиришмоқда. «Барселона» навбатдаги учрашувни ўз майдонида «Вильярреал»га қарши ўтказади.
