Дортмунднинг "Боруссия" клуби бош мураббийи Нико Ковач фаолиятини Англия Премьер-лигасида давом эттириши мумкин. Бу ҳақда "Bild" нашри хабар бермоқда.

54 ёшли хорватиялик мутахассисга аввалроқ "Манчестер Юнайтед" томонидан қизиқиш бўлаётгани айтилган эди. Энди эса унинг хизматларига Лондоннинг "Тоттенхэм" клуби ҳам даъвогарлик қилмоқда.

Маълумот учун, Ковач фаолияти давомида "Бавария", Хорватия терма жамоаси, "Айнтрахт Франкфурт", "Монако" ва "Вольфсбург" клубларида бош мураббий бўлиб ишлаган. У мюнхенликлар билан Германия чемпиони ва мамлакат кубоги соҳибига айланган. 2025 йилнинг бошида "Боруссия" жиловини қўлга олган мураббийнинг дортмундликлар билан амалдаги шартномаси 2027 йилгача мўлжалланган.