Шанба куни Ламин Ямал фаолиятидаги илк хет-трикни қайд этди. Юлдуз вингер Испания Ла Лигаси доирасида "Барселона" ўз майдонида "Вильярреал"ни 4:1 ҳисобида мағлуб этган ўйинда рақиб дарвозасини уч бор ишғол қилди.
Одатда футболчилар бундай унутилмас ўйинлардан сўнг эсдалик учун тўпни ўзлари билан олиб кетишади — Ямаль ҳам шундай қилди. 18 ёшли футболчидан тўпни нима қилиши ҳақида сўрашди:
— Хет-трик қайд этган тўпингизни нима қилмоқчисиз?
— Уни онамга совға қиламан, — деди Ямал ўйиндан кейинги интервьюсида.
Шу тариқа, Ламин Ямалнинг онаси Шейла Эбана яқин вақт ичида ўғлидан махсус совға қабул қилиб оладиган бўлди.
