Шанба куни Ханс-Дитер Флик "Барселона" бош мураббийи сифатида ўзининг 100-учрашувини ўтказди. Каталонияликлар ўз майдонида "Вильярреал"ни 4:1 ҳисобида мағлуб этишди. Ўйиндан сўнг Флик ўз муносабатини билдириб ўтди.
"Барселона"даги 100-ўйинимда ғалаба қозонганимдан жуда хурсандман. Мен жуда ҳам бахтлиман. Бугун менинг оилам ҳам ўйинни томоша қилиш учун шу ерга келди", — деди Флик ўйиндан кейинги шарҳида.
Эслатиб ўтамиз, "Вильярреал"га қарши баҳсда Ламин Ямал хет-трик муаллифига айланди. Ҳозирда "Барселона" турнир жадвалида "Реал"ни тўрт очкога ортда қолдирган ҳолда пешқадамлик қилмоқда. Шу билан бирга, мадридликлар ушбу турдаги ўз ўйинларини ҳали ўтказишмаган.
"Барселона" навбатдаги учрашувини 3 март куни Испания Кубоги доирасида "Атлетико"га қарши ўтказади.
