Германия Бундеслигасида 24-тур ўйинлари бўлиб ўтди. Дортмунднинг "Боруссия" жамоаси муносиб қаршилик кўрсатганига қарамай, Мюнхеннинг "Бавария" клубига 2:3 ҳисобида имкониятни бой берди.

Шу тариқа, ушбу ўйингача Европанинг топ-5 лигаларида давом этаётган энг узоқ серия — "Боруссия"нинг чемпионатдаги 16 ўйинлик мағлубиятсиз серияси тўхтади. Энг қизиғи шундаки, бу серия айнан "Бавария"га қарши ўйиндан бошланган эди — 7-турда мюнхенликлар рақибни 2:1 ҳисобида мағлуб этишганди ва ўшандан бери "Боруссия" кеча оқшомгача мағлубият нималигини билмай келаётган эди.

Бундеслиганинг навбатдаги турида "арилар" "Кёльн" меҳмони бўлишади. Ушбу баҳс 7 март куни бўлиб ўтади.